Avilés presenta la programación d'actividades de la Estaya de la Llingua pa'l segundu semestre

   UVIÉU, 16 Ago. (EUROPA PRESS) -

   La conceyala de Normalización Llingüística d'Avilés, Ana Solís, presentó esti sábadu pela mañana na Feria Internacional de Muestres d'Asturies (FIDMA) la programación d'actividaes de baldre pa'l segundu semestre de la Estaya de la Llingua, con motivu del Día de la Llingua.

   La oferta inclúi cursos pa deprender llingua asturiana y, como novedá, un cursu d'iniciu de gallego-asturianu. Amás, mantiénense los ciclos habituales como 'Autores nel camín', la 'Folixa de navidá' col so concursu de ramos nes escueles y los talleres creativos nos centros culturales.

   Entama tamién un proyeutu pa fomentar l'usu de la toponimia tradicional y oficial y, por primer vegada, va celebrase la 'Xira Didáutica', con talleres específicos y espectáculos destinados a la mocedá y al alumnáu más pequeñu de los centros educativos. El proyeutu va entamar nel mes d'ochobre y desendolcárse nesti semestre nos meses siguientes.

   La programación de talleres creativos, que se vien desendolcando dende fai 12 años, ta dirigida a públicu infantil d'entre 4 y 8 años y abarca temes variados como arqueoloxía, prehistoria, fauna, alimentación y otros aspeutos rellacionaos cola cultura, llingua e historia d'Asturies. Cada semestre se programen nueve talleres, iguales nos tres centros culturales de la ciudá: Los Canapés, La Xungarosa/El barrio de La Luz y La Carriona.