El presidente asturianu recibe esti xueves a Blanco na primer xunta institucional d'ésti como líder del so partíu n'Asturies
UVIÉU, 28 Oct. (EUROPA PRESS) -
El presidente del Gobiernu asturianu, el socialista Adrián Barbón, dixo esti miércoles que la respuesta qu'un gobiernu de Vox daría al andanciu sería "terrorífica". Na so respuesta al portavoz de Vox n'Asturies, Ignacio Blanco, na segunda xornada del debate d'orientación política, el socialista dixo que Blanco ye partidariu de que nun hubiera nengún tipu de restricción nin control.
"Usté ye'l meyor exemplu de Donald Trump n'Asturies", díxo-y al representante de Vox, al que recordó que'l verdaderu exerciciu de responsabilidá ta en llevar mázcara y protexer a los demás.
"La medrana mayor pa los asturianos sería tar nes sos manes", comentó Barbón sobre un posible mandatu de Blanco, del que dixo que, a lo menos, ye sinceru al reconocer que nun ye partidariu del confinamientu.
Barbón y Blanco van volver a vese les cares esti xueves n'Uviéu, na sede de Presidencia. Va ser a les 12.00 hores del mediudía, según confirmaron les partes.
El presidente asturianu esplicó que Blanco, en siendo escoyíu presidente de Vox n'Asturies, unvió un email solicitando que la primer xunta institucional fuera col presidente d'Asturies. "Yo soi cortés perriba de cualquier cosa", señaló Barbón, qu'esplicó qu'aceptó l'alcuentru. Sicasí, garantizó que de la xunta nun diba salir nengún alcuerdu poles diferencies que-yos dixebren.
Andalucía
