Barricada acaben xira en Madrid y Pamplona

MADRID, 26 de Payares (EUROPA PRESS)

Los d'El Drogas acaben la so exitosa xira de presentación de 'La Tierra Ta Sorda' con dos conciertos que yá tienen les entraes a la vienta en Ticketmaster: 10 avientu en Madrid (La Riviera) y día 18 en Pamplona (Pabellón Anaitasuna).

Los navarros van publicar, amás, una nueva edición d'esti álbum presentáu en formatu especial discu llibru de 110 páxines con dos discos y un dvd. Los dos cds son el discu orixinal y 'En La Memoria', con trece temes del conciertu acústicu qu'ofrecieron el 19 de marzu de 2010 en Zafra (Badayoz), ente que'l dvd ye un documental de 41 minutos d'esi mesmu conciertu, cuatro canciones grabaes y otros seis temes de l'actuación en Zarautz (Guipuzkoa) del 28 d'agostu.

Inclúi tamién el dvd los temes 'Pétalos' y 'Hasta Siempre, Tensi', grabaos nel monumentu a los Trece Roses nel cementeriu de La Almudena de Madrid, los videoclips 'Por la Libertad' y 'Pétalos', asina como un 'making of' de la sesión de semeyes de promoción del discu fecha en Sos del Rey Católico (Zaragoza). Tamién ta disponible'l cd+dvd 'En La Memoria', col conciertu acústicu de Zafra en formatu simple.

Coles mesmes, tamién se pon a la venta'l llibru 'Electricaos', una obra de David Mariezkurrena y Fernando F. Garaoya que percuerre los 28 años de la banda. Tou un percorríu históricu reforzáu poles opiniones y comentarios de xente como Rosendo, Loquillo, Fito, Marea, La Fuga, Andrés Calamaro, Joan Capdevilla, Hamlet, Iván Ferreiro o Carlos Tarque, ente otros munchos.