La candidatura d'Uviéu a Capital Europea de la Cultura 2031 presenta nel ministeriu'l dossier 'Escoyer la utopía'

La consejera de Cultura, Política Llingüística y Deporte del Principado, Vanessa Gutiérrez, el alcalde de Oviedo, Alfredo Canteli, El director de la candidatura de Oviedo a Capital Europea de la Cultura 2031 , Rodolfo Sánchez y la codirectora, Zoe López.
EUROPA PRESS
Europa Press Asturias
Publicado: martes, 3 noviembre 2026 20:40

    UVIÉU, 3 Nov. (EUROPA PRESS) -

   La candidatura d'Uviéu a Capital Europea de la Cultura 2031 presentó esti llunes el dosier definitivu o 'Bid Book' que lleva por títulu 'Escoyer la utopía' y que foi apurríu a les 10.30 hores nel Ministeriu de Cultura. El documentu, de 100 páxines, incorpora un procesu de consulta a más de 1.000 persones, con 200 entrevistes y 100 encuestes, según esplicó la codirectora artística de la candidatura, Zoe López.

    Uviéu compite nesta fase decisiva al pie de Cáceres, Granada y Les Palmes de Gran Canaria. El director de la candidatura, Rodolfo Sánchez, señaló mientres la presentación nel Salón de Plenos del Conceyu qu'el lema busca treslladar per Europa los elementos que faen singular al proyectu y conectar a persones de diferentes nacionalidaes. El títulu ta acompañáu por una fotografía de l'asturiana Kela Coto qu'amuesa mazanes asturianes na caña d'un árbol.

   Sánchez esplicó tamién que dalgunes de les palabres n'asturianu escoyíes primeramente pa presentar el programa, como 'Orbayu', 'Sestaferia' o 'Abellugu', fueron sustituyíes por términos como 'Esistencia', 'Resonancia' o 'Permanencia', coles mires de facilitar la so comprensión n'Europa.

   La presentación del dosier abre una nueva fase nel procesu d'evaluación de la candidatura. Según recordó'l so director, el próximu 27 de payares Asturies va recibir al comité d'espertos que va evaluar el proyectu d'Uviéu 2031 mientres una visita d'ocho hores.

   Darréu, el 1 d'avientu, l'alcalde d'Uviéu, Alfredo Canteli, y la conseyera de Cultura, Política Llingüística y Deporte del Principáu, Vanessa Gutiérrez, van defender la propuesta en Madrid.

RESPALDU INSTITUCIONAL AL PROYECTU

   Gutiérrez amosóse ilusionada cola incorporación de la palabra 'utopía' al proyectu, al considerar que sirve p'avanzar y significa caminar escontra'l futuru. La conseyera asitió esa idea nel marcu d'un proyectu compartíu alredor de la cultura.

   Pela so parte, Canteli valoró positivamente l'alcuerdu ente alministraciones de diferente signu políticu pa impulsar la candidatura. L'alcalde destacó la so collaboración p'afalar, sofitar y construyir el proyectu col qu'Uviéu aspira a convertise en Capital Europea de la Cultura nel 2031.

Contador

Últimas noticias sobre estos temas

Contenido patrocinado