UVIÉU, 26 Abr. (EUROPA PRESS) -
L'asociación Iniciativa pol Asturianu denunció esti martes que la Demarcación de Carreteres del Estáu n'Asturies respondió-yos que nun usa la toponimia oficial asturiana porque l'asturianu nun ye una llingua oficial.
Según indicaron al traviés de nota de prensa, Iniciativa púnxose en contactu con Carreteres depués de comprobar l'incumplimientu de la toponimia oficial nes señales nueves de la glorieta de la N-634 n'El Berrón (Siero), que nun recueye les formes oficiles de La Pola Siero y Uviéu.
L'asociación diz que dende Carreteres respondieron que nes comunidaes onde l'español ye l'únicu idioma oficial, los nomes propios de les poblaciones escríbense namás n'español. Por eso, Iniciativa reclama'l cumplimientu de la Llei d'Usu pol Gobiernu central y la presencia de la toponimia oficial na señalética que depende del Gobiernu d'España.
Amás, aprovechó pa recordar la necesidá de l'aprobación de la oficialidá de la llingua asturiana porque "mesmo cuntando con una llei que de manera específica recueye claramente cómo tienen que tar escritos los topónimos, la falta d'oficialidá ye un argumentu pa escaecer l'asturianu y la toponimia oficial".
