UVIÉU/GRANDA, 30 Nov. (EUROPA PRESS) -
Central Lechera Asturiana y el Club de Guisanderas d'Asturies xuniéronse pa "promocionar y salvaguardar" el legáu de la cocina natural y tradicional del Principáu y llevar asina'l nome del Club "a los más diez millones de cases españoles onde ta presente Central Lechera".
Nel actu de firma del alcuerdu'l Director de Marketing y Innovación en CAPSA, Juan Povedano, aseguró qu'hai "esencies" que tanto Central Lechera Asturiana como'l Club de Guisanderas comparten, como son la naturalidá y la cooperación.
"Tenemos una importante potencia de marca que queremos utilizar pa que se vos conoza tanto n'Asturies, que yá se vos conoz, como fuera d'Asturies y la xente vaiga a los vuestros restaurantes", indicó Povedano, que destacó'l trabayu de les guisanderes.
El conveniu firmóse esti martes na sede de la compañía láctea, en Granda. El mesmu va permitir facer proyectos conxuntos. Un anunciu conxuntu pa felicitar la Navidá va ser el primeru d'ellos, pero amás va haber diseños especiales nos envases de lleche y nata de Central Lechera, promociones y eventos conxuntos o la creación d'una páxina web compartida, www.centralecheraasturiana/juntosporlacocinanatural.es.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
