UVIÉU, 27 Mar. (EUROPA PRESS) -
La Conseyería de Ciencia, Industria y Emplegu concedió a Hunosa l'autorización alministrativa previa y l'autorización de construcción pal proyectu de tresformación de la central térmica de La Pereda. Esta decisión, comunicada güei a la empresa estatal y les persones interesaes, dexa a la compañía cumplir ún de los finxos cronolóxicos del proyectu.
La resolución, que'l so estractu publicarase nos próximos díes nel Boletín Oficial del Principáu (Bopa), establez qu'Hunosa tendrá de presentar, nel plazu máximu de dos meses dende la notificación, un estudiu d'impactu ambiental acordies con l'artículu 35 de la Llei 21/2013, d'Evaluación Ambiental, y n'atención a los términos de la sentencia 83/2026 del Tribunal Cimeru de Xusticia d'Asturies (TSXA).
Esti nuevu estudiu d'impactu ambiental tien d'incorporar, amás, l'aclaración d'aquellos aspectos del procedimientu señalaos na sentencia del TSXA, de mou que puedan resolvese afechiscamente mientres la tramitación en cursu.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
