MADRID/UVIÉU, 23 de Mayu (EUROPA PRESS)
La secretaria xeneral del PP, María Dolores de Cospedal, dexó abierta la puerta a un posible pactu col Foru Asturies que lidera l'ex dirixente 'popular' Francisco Álvarez Cascos y que tornó na fuerza más votada del Parlamentu autonómicu, y almitió que'l so partíu tien que facer "autocrítica polo asocedío nesa comunidá".
Nuna rueda prensa na sede nacional del PP, al 'númberu dos' del partíu preguntóse-y directamente si consideraba que fuera un error nun dexar que Cascos encabezara la candidatura del PP a la Presidencia d'Asturies.
Anque na so primer respuesta intentó restar importancia a la victoria del Foru Asturies --fundáu hai sólo cuatro meses pol ex secretariu xeneral del so partíu-- y punxo en valor que'l PP ganó "les municipales por diez puntos de ventaya sobre'l PSOE", de siguío reconoció que "por supuesto ha facese autocrítica en too".
Sicasí, De Cospedal nun treslladó responsabilidá alguna a la candidatura encabezada por Isabel Pérez Espinosa, que llogró 10 escaños nel Parlamentu autonómicu frente a los 16 llograos pol partíu de Cascos.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
