Cristina Cifuentes, nueva presidenta de la Comunidá de Madrid col apoyu de Ciudadanos

MADRID, 24 de Xunu (EUROPA PRESS)

La dirixente popular Cristina Cifuentes reusltó escoyida esti miércoles presidenta de la Comunidá de Madrid gracies a 48 votos del PP y 17 de Ciudadanos, colos qu'algamó un acuerdu d'investidura apoyáu en 76 compromisos. Una comisión de control vixilará'l so cumplimientu.

Tres dos xornaes parlamentaries d'alderique d'investidura, que tuvo marcáu pola llegada d'un "tiempu nuevu en política, non yá pola entrada de dos partíos nuevos a l'Asamblea de Madrid, sinón poles palabres de Cifuentes "aludiendo a un proyectu propiu pa la Comunidá de Madrid a pesar de ser del PP, la exdelegada del Gobiernu yá tornó na quinta presidenta autonómica, la cuarta del Partíu Popular.

A lo llargo de la sesión, l'acabante de salir escoyida presidenta punxo sobre la mesa la ufierta d'un pactu d'estabilidá en materia d'educación, sanidá y rexeneración política y dedicó gran parte del so discursu a tender la mano a la oposición porque, na so opinión, nestos nuevos tiempos los ciudadanos requieren diálogu.

A pesar de les ufiertes de Cifuentes y del so pidimientu de mirar hacia'l futuru, PSOE, Podemos y Ciudadanos sacaron a rellucir les sos crítiques a la xestión de los gobiernos d'Ignacio González y Esperanza Aguirre -dambos presentes na sala- a lo llargo d'estos años. Denunciaron los casos de corrupción y l'apuesta pola privatización de servicios públicos, y llegaron a pidir una auditoría de los últimos ocho años de Gobiernu de la Comunidá.

"En mi van tener una persona siempre dispuesta a escuchalos y a llegar a acuerdos, y a tener en consideración caúna de les sos aportaciones", afirmó Cifuentes na so última intervención antes de recibir l'apoyu de la Cámara de Vallecas. Y ye que, como lo fizo mientres los dos xornaes, volvió defender que "gobernar ye pactar y gobernar ye dialogar".

Cifuentes llega al cargu un mes dempués de consiguir que'l PP fuera la fuerza más votada nes elecciones del 24M. Pero pa llegar hasta equí celebráronse dellos procesos de negociación. De primeres, pa diseñar la composición de la Mesa de l'Asamblea, qu'acabó cola cesión a Ciudadanos d'unu de los puestos correspondientes al PP, y darréu, de la negociación d'un documentu d'ochenta midíes que la formación naranxa obligába-y a secundar en casu de querer el so apoyu pa ser presidenta.

Tres dos selmanes de negociaciones y dempués d'algamar un pactu en materia de rexeneración política, PP y Ciudadanos zarraron l'acuerdu d'investidura, qu'inclúi midíes económiques y sociales , y compónse de 76 midíes roblaes por dambes formaciones la selmana pasada. Ente elles, ta la profesionalización de Telemadrid, la frenada a les privatizaciones o la eliminación del Conseyu Consultivu.

Pa velar pol so cumplimientu va crease una comisión de control que va tar integrada por miembros de los dos equipos que participaron na negociación del acuerdu d'investidura. Ello ye que Ciudadanos alertó que van tar atentos dende la oposición y negaron que l'acuerdu d'investidura suponga un acuerdu de llexislatura, daqué que, según afirmó Cifuentes nel alderique de investidura, a ella prestaría-y.