UVIÉU, 25 Ene. (EUROPA PRESS) -
La conseyera de Cultura, Política Llingüística y Turismu, Berta Piñán, visitó esti martes en Siero les instalaciones del Centru Tecnolóxicu Forestal y de la Madera (Cetemas), qu'acueye pieces etnográfiques procedentes de desmontaxes realizaos poles declaraciones de ruina pa ponelos de baldre a disposición de los interesaos n'aprovechales na restauración d'elementos asemeyaos. El proyectu denomináu 'Pegoyu, almacén d'horros' busca facilitar el caltenimientu y restauración d'horros y paneres.
Piñán, que tuvo acompañada pol alcalde de Siero, Ángel García, esplicó que na actualidá hai almacenaes pieces d'ocho horros y paneres de siete conceyos, desmontaos por ruina en 2021 con un informe del Conseyu del Patrimoniu Cultural. Depués de la recepción y el tratamientu de la madera nel Cetemas, nel inventariu figuren colondres, engüelgos, pegoyos, tables, mueles, vigues, moños, trabes, lliños o sobrelliños, pa potenciales restauraciones.
Patrimoniu va siguir xestionando los llabores de recoyida de pieces d'horros y paneres n'estáu malu y va habilitar un sistema de solicitú d'estos elementos etnográficos pa la so reutilización en restauraciones.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
