España analiza siete nuevos casos de presos de Guantánamo que pue acoyer

Reuters

MADRID, 7 de Xunetu (EUROPA PRESS)

Los Servicios d'Información españoles analicen los historiales de siete nuevos presos de Guantámo que puen acaba residiendo n'España, dempués de que cuatro de los cinco qu'integraben el primer grupu escrutáu considerárense supuestamente peligrosos pa la seguridá estatal, informaron a Europa Press fontes de la llucha antiterrorista. El nuevu grupu intégrenlu trés sirios, dos libios y otros tantos palestinos.

Los espertos antiterroristes desarrollen un procesu de documentación y análisis del historial d'estos siete deteníos en Guantánamo pa determinar si la so residencia n'España pue causar dalgún problema de seguridá. Esi mesmu procesu yá lu realizaron hai dos selmanes con cuatro tunecinos y un yemení qu'integraben la primer propuesta estaounidense.

Tres l'análisis de los historiales d'esos cinco primeros presos, los Servicios d'Información coincidieron en que polo menos cuatro d'ellos resultaben potencialmente peligrosos. Precisamente yeren los cuatro ciudadanos tunecinos los que presentaben un perfil menos recomendable y anque tovía nun se tomó una decisión definitiva sobre ellos, too apunta a que diben refugalos y sólo'l yemení diba acabar residiendo n'España.

El problema pa España y pal restu de países que s'ofrecieron a acoyer a dalgún de los 241 presos sin cargos que continúen en enzarraos en Guantánmo ye que resulta mui díficil alcontrar deteníos sin supuestes rellaciones col 'yihadismu' o col integrismu islámicu. "Nengún viaxare a Afganistán pa facer turismu", ironiza ún de los axentes consultaos, en referencia a qu'EE.UU detúvolos demientres la invasión militar a esi país.