El fueu retrasa l'amanecer n'Asturies y cubre los cielos de fumu y ceniza

Publicado 16/10/2017 9:57:22CET

UVIÉU, 16 Oct. (EUROPA PRESS) -

Los fueos qu'afecten al suroccidente asturianu tán afectando a los cielos de tola rexón y pasaes les 9.30 de la mañana tovía nun amaneciera nuna parte importante d'ella. El cielu presenta color coloráu y ta cubiertu por una especie de borrina, que vien del fumu.

Nes grandes ciudaes l'allumáu públicu apagábase muncho primero de qu'hubiera lluz abondo nes cais, lo que sumía al centru de delles d'elles, como Uviéu, na escuridá nada habitual a eses hores de la mañana.

El fuerte golor a fumu y la povisa nótense nuna parte importante del centru asturianu, una rexón que tien a estes hores un total de 35 quemes actives.