Hamas propón a Israel una tregua pa la Franxa de Gaza

EP

EL CAIRO, 24 d'Abril (Reuters/EP)

Representantes del Movimientu de Resistencia Islámica (Hamas) entregaron güei a los contactos exipcios una propuesta de tregua dirixida a Israel que diba abarcar la Franxa de Gaza. La propuesta diba incluyir un calendariu pa l'ampliación posterior de la tregua a Cixordania, según informa l'axencia de noticies exipcia MENA.

Los ex ministros d'Asuntos Esteriores y d'Interior palestinos, Mahmud el Zahar (na imaxe) y Saeed Seyam, respectivamente, s'aconceyaron güei col máximu responsable de los servicios secretos exipcios, Omar suleiman, quien tornó na principal vía de contactu ente Hamas y Israel.

Fontes palestines cercanes a les conversaciones esplicaron que la delegación de Hamas diba mostrar a Suleiman la disposición del grupu a aceptar l'aplicación d'una tegua progresiva que va entamar per Gaza. "La postura de Hamas ye que ta d'acuerdu con implantar la calma en Gaza y en Cixordania, pero tien d'empezase per Gaza nesta fase y dempués aplicalo a Cixordania tres un periodu de tiempu concretu que diba tar pautáu", esplicó esta fonte.

Israel, pela so parte, ya mostró la so disposición a "calmar" la frontera de Gaza pero sólo a cambiu del fin de los ataques de Hamas, del fin de los disparos de cohetes caseros Qassam per parte de les milicies palestines y el fin del contrabandu d'armes ente Exipto y la Franxa. "Podemos tener un periodu de calma que sólo diba ser la calma enantes de la tormenta", afirmó Mark Regev, voceru del primer ministru israelí, Ehud Olmert.

La fonte palestina indicó, pela so parte, que Hamas exixe como condición necesaria pa cualquier tregua volver abrir tolos pasos fronterizos de la Franxa de Gaza y el fin de les aiciones militares israelís nel territoriu. Amás, según indicó, Hamas cuenta col respaldu d'otres faiciones armaes actives na rexón.

La propuesta de Hamas va ser treslladáu nos próximos díes a Israel, pero fontes hebrees ya mostraron el so escepticismu sobre un posible acuerdu. "Nun tamos aguantando l'aliendu. Lo que nun queremos ye que Hamas cuente con un plazu pa fortalecese", esplicó.

Les autoridaes israelís refugaron en delles ocasiones negociar una tregua con Hamas, anque indicaron que nun tendríen motivu dalgún pa llanzar ataques escontra la Franxa de Gaza si cesaren los ataques con cohetes escontra'l so territoriu. En cualquier casu, Israel se reserva'l derechu a la respuesta militar pa la proteición de los sos ciudadanos.