Intu Asturias vuelve a los sos oríxenes y vuelve llamase Parque Principado

UVIÉU/SIERO, 4 Mar. (EUROPA PRESS) -

Intu Asturias vuelve a los sos oríxenes y va volver llamase Parque Principado. Asina lo anunció esti miércoles el xerente del centru comercial y d'ociu, qu'esplicó qu'esti cambiu de nome ye'l "primeru y simbólicu xestu de la propiedá nueva que quixo volver a un nome tan enraigonáu na sociedá asturiana".

"Volvemos llamanos Parque Principado porque munchos nos lo pidieron y porque creemos que refuercia entá más el compromisu con Asturies. Tamos agora creando'l Parque Principado nuevu y queremos facer parte d'eso a tolos asturianos", dixo García, qu'indicó que nesta etapa nueva'l centru va siguir trabayando pa reforciar el so papel de referente nes compres y l'ociu de los asturianos.

El mes de xineru anunciaba la compra del centru la empresa alemana ECE por 290 millones d'euros. García indicó que'l cambiu de nome ye'l primer pasu pero nun va ser l'únicu.

Y pa esti cambiu d'imaxe dende'l centru comercial y d'ociu van poner en marcha una iniciativa pa que la imaxe actual vaiga desaniciándose progresivamente y n'agostu presentar la nueva. Pa eso van abrir un canal de participación na web nueva parqueprincipado.com na que va poder proponese como tien que ser esa imaxe del centru.