UVIÉU, 22 de Mayu (EUROPA PRESS)
El voceru del PSOE na Xunta Xeneral d'Asturies, Fernando Lastra, calificó de "seriu y rigorosu" el discursu d'investidura del candidatu socialista Javier Fernández. Según Lastra, valió pa dar una "visión sincera" y hasta "descarnada" de la situación a la que s'enfrenta Asturies.
Lastra pronuncióse nestos términos na rueda prensa posterior a la primer sesión plenaria d'elección del presidente. Dixo que Javier Fernández llega pa recuperar la normalidá y la confianza tres el fracasu políticu "escandalosu" de la derecha asturiana.
El voceru socialista dixo que Javier Fernández llegó a candidatu en llogrando acuerdos con otres fuerces polítiques, lo que ye "garantía" d'estabilidá y algo que nun llograra Francisco Álvarez-Cascos.
Lastra dixo que la intención de Fernández ye llograr grandes consensos pa llograr que los oxetivos se compartan. Según el voceru del PSOE, Fernández llogró tresmitir un mensaxe "d'esperanza". "Pídense sacrificios, pero van poder con capacidaes y intelixencia pa salir d'ésta", remató Lastra, que tamién dixo qu'un Gobiernu lideráu pol PSOE va valir pa "recuperar la dignidá de les instituciones".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
