Llan de Cubel y Algaire protagonicen esti vienres la Nueche Celta de Santolaya

UVIÉU, 14 Oct. (EUROPA PRESS) -

Esti vienres, 14 d'ochobre, va celebrase la Nueche Celta de Santolaya, en Cabranes. Nesta edición va cuntar coles actuaciones de Llan de Cubel y Algaire, nuna xornada que va entamar a les 21.00 hores.

Llan de Cubel ye un grupu asturianu de música folk, pioneros en trabayar cola tradición músical asturiana, dándo-y un soníu nuevu y atlánticu. Anque la so llinia ye básicamente instrumental, el grupu tamién trabaya l'aspectu vocal con testos d'autor, normalmente contemporáneos, siempre musicaos con melodíes tradicionales asturianes.

Dende los sos anicios en 1984, Llan de Cubel participó activamente nel procesu revitalización de la cultura tradicional asturiana, contribuyendo igualmente a la divulgación de la mesma y convirtiéndose nunos embaxadores d'Asturies dientro del mundu de la música celta.

Per otru llau, Algaire ta formáu Carla Miranda, Iratxe Espina y Loreto Suárez --voz y percusión tradicional asturiana--, y Juan Yagüe --guitarra--, qu'ufren una visión propia de la música tradicional asturiana dende una perspectiva actual y contemporánea.

El grupu, una de les revelaciones de la música asturiana nel 2022, presentó'l so primer discu, 'Coral y Maera', hai meses y nel Festival de Lorient llevó'l premiu Loic Rais al meyor grupu.