Llan de Cubel toca esti sábadu n'Avilés

Llan de Cubel.
LLAN DE CUBEL.
Europa Press Asturias
Actualizado: sábado, 28 julio 2018 10:29
Seguir en

UVIÉU 28 Jul. (EUROPA PRESS) -

L'históricu grupu de folk asturianu Llan de Cubel va dar n'Avilés esti 28 de xunetu'l so únicu conciertu en tol branu. Va ser nel Festival Intercélticu d'Avilés a les 23.00 hores y van tar acompañaos de la banda escocesa Dallahan, nel que va ser el so debú n'España.

Llan de Cubel ye un grupu asturianu de música folk, pioneros en trabayar cola tradición músical asturiana, dándo-y un soníu nuevu y atlánticu. Anque la so llinia ye básicamente instrumental, el grupu tamién trabaya l'aspectu vocal con testos d'autor, normalmente contemporáneos, siempre musicaos con melodíes tradicionales asturianes.

Dende los sos anicios en 1984, Llan de Cubel participó activamente nel procesu revitalización de la cultura tradicional asturiana, contribuyendo igualmente a la divulgación de la mesma y convirtiéndose nunos embaxadores d'Asturies dientro del mundu de la música celta.

Nesti conciertu d'Avilés, el grupu va aprovechar pa presentar dalgún de los temes del so discu nuevu, que va facer el sestu de la carrera depués de cuasi venti años ensin editar nengún trabayu, dende 'Un tiempu meyor', publicáu en 1999.

Contenido patrocinado