UVIÉU, 01 de Xunu (EUROPA PRESS)
Más d'un centenar de persones yá s'apuntaron a los cursos de la Universidá de Branu de l'Academia de la Llingua Asturiana, que se celebrarán ente'l 2 y el 13 d'agostu en Cangas del Narcea. El plazu pa incribise acaba'l próximu 4 de xunu.
Asina lo anunció nun comunicáu l'Academia de la Llingua, que dio anunciu de la firma del pactu de collaboración ente la Universidá d'Uviéu, l'Academia de la Llingua Asturiana y el Conceyu de Cangas del Narcea, que supón la puesta en práctica de la Universidá Asturiana de Branu (UABRA).
Esti acuerdu establez que Cangas del Narcea va ser dende agostu d'esti mesmu añu sede permanente de los cursos y actividaes d'UABRA. Mientres la primer quincena del mes d'agostu les instalaciones de la Escuela Hogar, Casa de la Cultura, Institutu d'Educación Secundaria y Teatru Conde Toreno acoyerán el programa diseñáu pola UABRA nel que destaca un ambiciosu programa formativu (investigación filolóxica, estudiu de la realidá social y cultural asturiana y capacitación llingüística), asina como otros llabores d'espardimientu social de la cultura, la ciencia y l'arte asturianu.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
