UVIÉU 5 Abr. (EUROPA PRESS) -
La Conseyería de Mediu Rural y Política Agraria rescató na tarde d'esti xueves a un esbardu fema d'unos trés meses nel conceyu de Yernes y Tameza. Al animal atopólu l'axente mayor medioambiental de la zona Cubia-Proaza.
Según el protocolu pa estos casos, al animal treslladáronlu a una clínica veterinaria n'Uviéu, onde se-y realizó un análisis. L'esbardu, de 1,9 kilogramos de pesu, ta n'estáu perfectu y créese que pudo cayer por fuercia dende la so osera al traviés del monte a la carretera AS-311. Trátase d'una zona pindia d'accesu malu.
Al esbadu yá lu treslladaron al Centru de Recuperación de Fauna Montesa de Cantabria, onde va permanecer unos meses pa reintroducila nel so hábitat natural una vez acabe la época de celu de los plantígrados.
El centru cántabru ta nun entornu natural, lo que va garantizar la supervivencia del animal y va evitar que s'acostume a zones humanizaes.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
