Muerre Ben Woolf, 'Meep' n'American Horror Story

GETTY

MADRID, 24 de Febreru (CulturaOcio)

L'actor Ben Woolf, conocíu por dar vida a Meep na última entrega de 'American Horror Story', 'Freak Show', finó esti llunes 23 de febreru nun hospital de Los Ángeles a los 34 años d'edá.

Woolf llevaba ingresáu nel hospital, n'estáu críticu, dende'l pasáu xueves, tres golpialu'l retrovisor d'un SUV mientres cruzaba una cai d'Hollywood. Les primeres investigaciones apunten a que l'actor cruzó per onde nun debía, polo qu'al conductor del vehículu nun lu arrestaron.

"Tamos ablucaos poles demostración d'amor y apoyu de tol mundu al nuesu queríu Ben", afirmaba la familia del intérprete nun comunicáu. "Nos sos 34 años tuvo tiempu pa tocar munchos corazones. La so alcordanza va vivir dientro de caún de nós y na so obra", acaba'l mensaxe de los sos familiares.

PRIMERES REACCIONES

Munches producciones contaben con Ben Woolf pola so corta estatura, de namás 1,31 metros, como ye'l casu d'American Horror Story, qu'incluyó a Woolf nel so repartu na primer entrega y na cuarta. Pero l'actuación namás yera una afición pa Woolf, que trabayaba dando clases en preescolar.

Ryan Murphy, creador de l'antoloxía de terror, aseguró que Woolf yera "una de les persones que más-y inspiraron na so vida".

Pero, Murphy nun foi l'únicu miembru d'American Horror Story que se despidió del actor, tamién lo fizo'l restu del repartu y especialmente Naomi Grossman, que da vida a Pepper na serie, y yera amiga íntima del difuntu Woolf na vida real.

"Siempre voi querete, Ben Woolf. Si namás tuvieres vivu pa poder dícitelo. Fuisti'l primeru en deseame 'Bon San Valentín'", publicaba l'actriz.