Muerre René Burri, el fotógrafu qu'inmortalizó al Che Guevara

NUEVA YORK, 21 d'Ochobre (EUROPA PRESS)

El fotógrafu suizu René Burri, famosu por inmortalizar coles sos semeyes a personaxes históricos como Ernesto Che Guevara, el pintor español Pablo Ruiz Picasso y l'arquiteutu suizu Le Corbusier, finó esti llunes a los 81 años d'edá víctima d'una llarga enfermedá, según informó l'axencia de fotografía Magnum.

"Con gran tristura, Magnum Photos anuncia la muerte de René Burri", afirmó la prestixosa axencia fotográfica, nun comunicáu publicáu na so páxina web. La familia de Burri destacó'l so legáu artísticu como ún de los meyores fotógrafos de la historia.

"Dexa tres de sí un importante legáu de trabayu sobre historia reciente, publicáu n'incontables periódicos, revistes, esposiciones y llibros en tol mundu. Ente les sos fotografíes más famosoas figuren les semeyes del Ché Guevara, Pablo Picasso y Le Corbusier, una impresionante visión de les cais de Sao Paulo y les sos histories sobre Cuba y Vietnam", afirmó la familia de Burri, nun comunicáu fechu públicu tres el so fallecimientu.

Nacíu en Zurich en 1933, Burri treslladóse a París siendo mozu cuando taba estudiando con Hans Finsler na Escuela d'Artes y Oficios de Zurich. Tres la muerte prematura d'ún de los fundadores de l'axencia Magnum, Werner Bischof en 1954, Burri tornó en miembru d'esta prestixosa axencia gráfica en 1956. Tanto como fotógrafu como director de cine, siempre trabayó con un mesmu lema na mente: toles persones viven nun mundu únicu.