Publicado 15/01/2016 11:22CET

La música en llingua asturiana, presente en cuatro categoríes de los AMAS

Nacho Vegas
NACHO VEGAS

UVIÉU, 15 de Xineru (EUROPA PRESS)

La música asturiana ta presente en cuatro de les categoríes de los Premios AMAS, que tán celebrando nestos díes les sos votaciones pa la edición 2015, al traviés de la so páxina web d'internet.

Concretamente, la cantante de tonada Mariluz Cristóbal concurre na categoría a la meyor voz. Héctor Braga y Spanta la Xente son dos de los escoyíos na categoría de meyor discu folk.

El tema 'La Foguera' de Skontra compite ente los cuatro meyores cantares rock, y a lo último, el cantar billingüe de Nacho Vegas 'Vinu, Cantares y Amor' aspira a ser la meyor nes categoríes d'otres escenes.

Los interesaos en votar pueden facelo na páxina web oficial de los premios AMAS. La gala d'entrega va tener llugar el próximu 11 de marzu nel Teatru Filarmónica d'Uviéu.

Asturianu ofrecido por