Patricia Martínez Cueto gana l'IV Premiu Pachín de Melás de teatru n'asturianu por 'Llugares comunes'

Patricia Martínez Cueto, premio IV Premio Pachín de Melás de textos teatrales en asturiano por su obra 'Llugares comunes'.
GOBIERNO DE ASTURIAS
Europa Press Asturias
Publicado: martes, 20 octubre 2026 19:32

    UVIÉU, 20 Oct. (EUROPA PRESS) -

   La Conseyería de Cultura, Política Llingüística y Deporte concedió a Patricia Martínez Cueto l'IV Premiu Pachín de Melás de testos teatrales n'asturianu pola so obra 'Llugares comunes. Drama rural femenín en trés actos'. El galardón ta dotáu con 6.000 euros y inclúi la coedición del testu ganador.

   El xuráu, presidíu pol director xeneral d'Acción Cultural y Normalización Llingüística, Antón García, destacó la capacidá de la obra pa combinar tradición y modernidá a partir d'un ritmu bien fluyíu y d'un usu del asturianu bien natural, bien tradicional, según informó'l Gobiernu del Principáu.

   El fallu tamién sorraya'l dominiu plenu de la espresión corporal y de la musicalidá d'una propuesta qu'esquiza les posibilidaes escéniques más allá de la palabra. Coles mesmes, valora l'usu d'elementos audiovisuales pa marcar el pasu ente actos y escenes y l'elección de los axetivos que los introducen.

   Amás de la dotación económica y la coedición, el premiu contempla la coproducción de la obra con una compañía profesional y la so incorporación a les actividaes culturales promovíes pol Principáu, coles mires de facilitar que los testos reconocíos lleguen a los escenarios.

   El xuráu tuvo integráu por Begoña Martínez Cezón, Eloy Antuña Zamarro, José Antonio García Fernández y Tamara Collar Rodríguez. Como secretaria actuó María Dolores Rodríguez Vázquez, responsable de promoción del asturianu de la Dirección Xeneral d'Acción Cultural y Normalización Llingüística.

   Patricia Martínez Cueto ye llicenciada en Periodismu y desenvolvió parte de la so trayectoria profesional en distintos medios de comunicación. Dende 2018 exerz como profesora de Llingua Castellana y Lliteratura nel Institutu de Infiesto, onde coordina grupos y representaciones teatrales.

   El certame recuerda al dramaturgu Emilio Robles Muñiz (Xixón, 1877-1937), conocíu como Pachín de Melás y fundador de la corriente costumbrista, y forma parte de les iniciatives del Executivu autonómicu pa sofitar la creación lliteraria y teatral n'asturianu.

Contador

Contenido patrocinado