UVIÉU, 12 de Xunu (EUROPA PRESS)
Los cristales de la sede del PP de Mieres apaecieron esti martes cubiertos de pintura negra. Esti socesu súmase al estrozu de los cristales del llocal de la formación popular n'Ayer y ye'l cuartu actu vandálicu que sufre la sede de l'agrupación mierense dende qu'a Mariano Rajoy nomáronlu presidente del Gobiernu central.
El secretariu xeneral de l'agrupación mierense, Luis Miguel Fernández Berandón, aseguró que "estos actos nun representen a los mineros nin a los vecinos". Nesti sen, esixó a los representantes de los sindicatos mineros "qu'indique a los que tán na cai, defendiendo a la minería, qu'ésti nun ye'l camín".
"Conocemos el problema nes comarques mineres y apoyamos mociones nel Plenu del Conceyu de Mieres pa mostrar el nuesu apoyu", añadió'l secretariu xeneral. Al empar, destacó que se presentó una denuncia pa que s'abra una investigación sobre los fechos.
L'agrupación popular n'Ayer tamién presentó una denuncia pa que s'investigue l'estrozu de les cristaleres. Según el voceru de la formación, Juan Antonio del Peño, alguién golpió los cristales con un oxetu contundente "más de 20 veces".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
