Publicado 17/12/2020 17:44

Podemos reclama al Principáu un "compromisu firme" colos bolos asturianos

Casas y bolera tradicional asturiana en Asiegu, parroquia del concejo de Cabrales galardonada con el Premio al Pueblo Ejemplar en su edición de 2019.
EUROPA PRESS - Archivo

UVIÉU, 17 Dic. (EUROPA PRESS) -

El diputáu de Podemos Asturies Rafael Palacios solicitó tanto al Conceyu de Llanes como al Gobiernu d'Asturies "un compromisu firme cola cultura y el deporte tradicional asturianu, y más concretamente colos bolos". Podemos Asturies comprometióse a treslladar l'asuntu en sede parllamentaria a la titular de Cultura, Berta Piñán.

Palacios aconceyó colos vecinos del llugar de la La Venta los Probes (Llanes), pa conocer la situación de la bolera. Una instalación deportiva con demanda alta y que precisa una meyora na so infraestructura, recordó, pero caltenida polos mesmos vecinos.

Nesi sentíu, Podemos insistió na necesidá de tratar el deporte asturiano na Mesa de la Cultura Tradicional puesta en marcha pola Conseyería de Cultura, amás de tratalo dientro del currículum escolar.

Per otru llau, dende Podemos Llanes van solicitar un informe técnicu al Conceyu -porque tien la cesión de la instalación- sobre'l costu d'instalar una cubierta na bolera, pa que puedan usala cuando llueva, porque nos meses d'iviernu ta inoperativa.

Asturianu ofrecido por