UVIÉU 7 May. (EUROPA PRESS) -
La Conseyería de Cultura, Política Llingüística y Deporte convocó una llinia d'ayudes pa promocionar el llibru n'asturianu y gallego-asturianu, una actuación que s'enmarca dientro de les acciones de normalización llingüística pa promocionar l'usu de les llingües asturianes. La convocatoria d'estes subvenciones, a les que se destinen 110.000 euros, publicóse esti martes nel Boletín Oficial del Principáu d'Asturies (BOPA).
Con estes ayudes, Cultura apoya la lliteratura nes llingües propies d'Asturies, al empar qu'ayuda a la constitución d'un fondu bibliográficu nes llingües mentaes. Amás, les subvenciones culturales en concurrencia competitiva tán dirixíes a empreses privaes que tengan el domiciliu social nel Principáu d'Asturies.
Esta llinia d'ayudes a empreses editoriales asturianes financia tanto la edición de llibros orixinales como los traducíos d'otres llingües. La tirada mínima de los exemplares subvencionaos que se marca na convocatoria ye de 300 exemplares y con una estensión que nun seya inferior a 50 páxines. El plazu pa solicitar esta subvención termina'l 5 de xunu.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
