Publícase n'asturianu la primer parte de la triloxía de 'El señor de los aniellos'

El señor de los aniellos.
TRABE.
Europa Press Asturias
Publicado: martes, 2 febrero 2021 18:25
Seguir en

UVIÉU 2 Feb. (EUROPA PRESS) -

Ediciones Trabe ta acabantes de publicar el primer volume del clásicu 'El señor de los aniellos', que pela primer vez va poder lleese n'asturianu gracies a la traducción fecha por Nicolás Bardio.

Trátase d'una novela de fantasía épica dividida en tres volúmenes ('La Sociedá del Aniellu', 'Les dos torres' y 'El retornu del rei'), que foi publicada ente 1954 y 1955.

Obra más importante de la lliteratura de fantasía, esta triloxía cuenta la historia de cómo los ferreros elfos forxaron los Aniellos del Poder y Sauron, el Señor de la Escuridá, l'Aniellu Únicu. Desque-y lu robaron andó tola Tierra Media a la busca d'él y nun foi a atopalu. Tiempu más tarde, y por casualidá, lléga-y a Bilbo Fardel, un hobbit del Condáu. A Sauron nun-y falta más qu'esi Aniellu pa ser a dominar la Tierra Media.

Nesta primer parte, 'La Sociedá del Aniellu', Bilbo Fardel desaparez y dexa a Frodo al cargu del Aniellu. Frodo Fardel marcha del Condáu acompañáu de Sam, Pippin y Merri cola misión de desfacese del Aniellu na tierra de Mordor. A lo llargo'l camín y les aventures xúntense a ellos Reblagos, Gimli, Legolas, Boromir y el magu Gandalf, formando los nueve la Sociedá del Aniellu.

Contenido patrocinado