Pumares (Foru) cuestiona que Barbón nun vaiga a Cuadonga pero sí a la investidura de Salvador Illa en Cataluña

UVIÉU 2 Sep. (EUROPA PRESS) -

El secretariu xeneral de Foru Asturies y diputáu del Grupu Mistu na Xunta Xeneral, Adrián Pumares, criticó la decisión del presidente del Gobiernu asturianu, Adrián Barbón, de nun asistir a la misa del día de de Cuadonga y contrapunxo la "enerxía" cola que refugó dir cola "mesma voluntá cola que foi a Cataluña a aplaudir la investidura de Salvador Illa, una investidura que se paga colos servicios públicos de tolos asturianos".

Nuna nota de prensa depués de participar nel certame de Quesu Casín, Pumares aseguró que-y llama l'atención que la decisión de Barbón, a la que se sumó'l presidente de la Xunta, Juan Cofiño, "coincide cola llegada d'Adriana Lastra a la Delegación del Gobiernu". "Lo que m'esmolez nun ye tanto qu'Adriana Lastra mande tanto na FSA, que yá ye daqué evidente, sinón que mande tamién nel Gobiernu del Principáu d'Asturies", dixo.

"Nun sé si Adriana Lastra ye la persona más afayadiza pa mandar nel Gobiernu, teniendo en cuenta'l so aplausu permanente a les decisiones de Pedro Sánchez independientemente que vaigan en contra de los intereses d'Asturies", dixo Pumares, que considera que Barbón va tener que cuestionar caltener a Lastra nel cargu qu'anguaño ostenta na Federación Socialista Asturiana.