Reincidentes, Escuela de Odio y Skama la Rede comparten escenariu con una formación de rock infantil nel Rebolleres Rock

UVIÉU, 25 de Xunetu (EUROPA PRESS)

Los sevillanos Reicindicentes, los asturianos Escuela de Odio y Skama la Rede, y una formación infantil y xuvenil d'alumnos de la Escuela Municipal de Música de Candás, baxo'l nome Rock'n'Guah.es, conformen el cartel de la sesta edición del festival Rebolleres Rock de Candás, que va tener llugar esti sábadu, 26 de xunetu, nel Prao Gervasia de la capital carreñense.

Va ser a partir de les 19.00 hores cuando empiece la música, de la mano de Rock'n'Guah.es, qu'axunta delles formaciones musicales, nun teniendo algunos de sos miembros otvía los siete años d'edá. Van interpretar conocíos cantares de los grandes grupos de la historia del rock, dalgunos d'ellos verioniaos al asturianu.

Escuela de Odio, referentes del Hardcore estatal, van ser los segundos n'actuar. Va ser la primer vez que lo faigan en Candás, trayendo a la villa carreñense la xira del so XX aniversariu.

Los llocales Skama la Rede, van tar como tolos años, presentes nel festival. El del Rebolleres Rock va ser el conciertu de presentación oficial del so nuevu discu, 'Avante', salíu a la venta hai malpenes unos díes.

Van zarrar el cartel los sevillanos Reincidentes, que la primer vez tamién actúen na villa candasina, en plena xira tamién d'espardimientu del so últimu discu aniversariu: '30 años, 30 conciertos, 30 cantares'.

L'accesu al conciertu ye de baldre. L'espaciu va contar con un 'chigre' con precios populares.