Sean Connery podría demandar a los que revelaron la so imputación nel casu 'Goldfinger'

MARBELLA (MÁLAGA), 8 d'Ochobre (EUROPA PRESS)

L'embaxador de Reinu Uníu n'España, Giles Paxman, remitió una carta al titular del Xulgáu d'instrucción númberu 1 de Marbella, Ricardo PuyoL, na que l'actor escocés Sean Connery amenaza con entamar acciones llegales por revelar la so imputación nel casu 'Goldfinger', trama na que s'investiga una operación inmobiliaria y la presunta participación nella de sociedaes que supuestamente taríen vinculaes al artista y la so muyer.

Na misiva, fechada'l 20 de setiembre y a la que tuvo accesu Europa Press, l'embaxador británicu diríxese al maxistráu alvirtiéndo-y que Connery manifestó que "la mera revelación pública d'estos supuestos procedimientos penales nun sólo afecta a la so imaxe pública, sinón también-y causa un perxuiciu financieru notable, evidente y cuantificable, polo que se reserva'l derechu de poner una demanda contra les persones responsables".

Amás, Paxman esplica que recibió una carta de Sean Connery pola apaición de delles informaciones nos medios de comunicación "plantegando que s'entamaron procedimientos penales nel so xulgáu nos que s'acusó a él y a la so muyer de la comisión de dellos delitos".

De la mesma manera, señala que "hasta la fecha nin él nin la so muyer recibieorn comunicación alguna del so xulgáu nin de nenguna autoridá xudicial, física o policial espñaola, informándo-yos que pudieren entamase procedimientos a la so escontra", a lo qu'añade que "inora los detalles del casu, los cargos que se-y imputen y los medios de prueba nos que se basen los procedimientos xudiciales".

Por último, ruega que, "col fin d'asegurar que tanto él como la so muyer puean exercer el so derechu de defensa al máximo", notifíquen-y darréu la existencia de cualquier actuación xudicial que "se realizare, que tea en cursu o tea prevista".