Tomé (G.Mistu) alerta del aumentu de la violencia machista n'Asturies y pide "nun parar la defensa del feminismu"

Archivo - La diputada Covadonga Tomé
SOMOS ASTURIES - Archivo
Europa Press Asturias
Publicado: martes, 27 octubre 2026 18:42

   UVIÉU, 27 Oct. (EUROPA PRESS) -

   La diputada del Grupu Mistu y vocera de Somos Asturies, Covadonga Tomé, sollertó esti martes del aumentu de la violencia machista n'Asturies y pidió "nun parar la defensa del feminismu nun momentu nel que les dereches tán falando abiertamente de quitar derechos a les muyeres si gobierne"n.

   Tomé fízose ecu de los datos ufiertaos pol Conseyu Xeneral del Poder Xudicial el pasáu vienres, qu'indiquen que nel segundu trimestre d'anguaño aumentó'l númberu de víctimes a 1.066 n'Asturies, una medría del 38,6% frente al pasáu añu, según datos publicaos del Conseyu Xeneral del Poder Xudicial (CGPX).

   "Mientres Feijóo, líder del PP, amenaza con retayar derechos fundamentales de les muyeres si lleguen al Gobiernu del Estáu, l'Executivu asturianu tien d'asumir la so responsabilidá y actuar con firmeza", indicó, asegurando que ye imprescindible "reforzar el sofitu a les víctimes, impulsar la educación n'igualdá y caltener la llucha contra la violencia machista ente les prioridaes polítiques".

   "Sabemos qu'esisten otros retos sociales urxentes, como garantizar l'accesu a una vivienda digna y algamadiza, pero los derechos de les muyeres nun puen quedar apostraos", abondó Tomé.

   Los datos del CGPX, indicó, "evidencien qu'hai que reforzar el trabayu y destinar recursos suficientes y más midíes pa prevenir la violencia machista, protexer a los que la sufren y combatir les desigualdaes que la sostienen".

   A xuiciu de la diputada, la violencia de xéneru "ye la punta del iceberg d'una desigualdá estructural que traviesa la nuestra sociedá y que manifiestase tamién na fienda salarial, la repartida desigual de los curiaos y les múltiples discriminaciones que siguen condicionando la vida de les muyeres".

    Entiende Tomé que'l Gobiernu asturianu tien d'esplicar qué planes tien, qué recursos va destinar y qué oxetivos se marca pa revertir esta situación.

Contador

Últimas noticias sobre estos temas

Contenido patrocinado