TPA encarga una segunda temporada de Los Bolechas n'asturianu

UVIÉU, 4 de Marzu (EUROPA PRESS)

La Televisión del Principáu d'Asturies va emitir una nueva temporada de la serie gallega infantil 'Los Bolechas' ('Os Bolechas'), doblada a la llingua asturiana. La productora Bolanda recibió esta selmana l'encargu del ente autonómicu d'unviar nuevos capítulos pa la so traducción al asturianu.

Asina lo confirmaron dende Bolanda en declaraciones a Europa Press esti vienres. La productora taba pendiente d'una confirmación de la RTPA pa la emisión d'esta segunda segunda entrega en llingua asturiana.

Ello ye que según esplicaron dende Bolanda, fueron numberosos los mensaxes d'aceptación que recibieren poles redes sociales pola versión asturiana de la serie, según pidimientos d'una nueva entrega. "Sí había munchu interés na Televisión asturiana pero nun nos zarraren nengún acuerdu nin confirmación", esplicaron a Europa Press.

Dende Bolanda mostraron la so satisfacción por esta decisión. "Paez ser que les demandes y la insistencia de la xente dieron el so frutu", celebraron.

La TPA emitió nel 2014 los 24 primeros capítulos de 'Los Bolechas' doblaos n'asturianu por Vacalloria Producciones. Ello ye que paez con calter inmediata va realizase una reposición d'esta primer temporada, según comunicaron dende l'ente autonómicu a la productora gallega.