UVIÉU 20 Mar. (EUROPA PRESS) -
Ediciones Trabe punxo a disposición de los llectores la posibilidá de baxar de baldre títulos del so catálogu en formatu PDF y Epub. Amás, la editorial mantién activa la venta online de les sos publicaciones.
El primeru de los llibros que se pue descargar ye la traducción al asturianu fecha por Xesús González Rato del clásicu de Jules Verne 'La vuelta al mundu n'ochenta díes. Otra manera, tamién se va poder lleer 'Cuentos rusos', con traducción de Cesáreo García Fernández; y 'El dr. Jekyll y mr. Hyde', de R. L. Stevenson, con traducción de Xuan Bello;
Ente los títulos destaca tamién 'Güelu Ismail', d'Esther Prieto, premiu Xosefa Xovellanos nel 2001. Trátase de la segunda novela n'asturianu escrita por una muyer y primera del Surdimientu.
Al traviés de la so web, www.trabe.org, la editorial ufre estos cuatro llibros de baldre que van poder esfrutar los llectores al traviés de formatos como Ipad, Iphone o Ereader.
Otra manera, Trabe mantién activa la venta online al traviés de tienda.trabe.org. Pa preservar la salú de toles partes, sobremanera del sector del personal de tresporte, la empresa va concentrar la preparación de los pidíos nun día a la selmana, los vienres.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
