UVIÉU 19 Feb. (EUROPA PRESS) -
La Conseyera de Cultura, Política Llingüística y Deporte, Vanessa Gutiérrez, aseguró esti domingu, depués de tomar posesión del so cargu, que na conseyería "tienen bien de trabayu per delantre" y refirióse a delles lleis como la Llei de biblioteques; la Llei de museos, o'l cambiu de la Llei d'usu del asturianu, ente otres.
Gutiérrez indicó que va siguir trabayando con "un equipu fantásticu" que-y acompañaba na viceconseyería y que-y va a siguir acompañando. Añadió que'l fechu de ser Conseyería ye "una demanda que teníen los mesmos sectores y que-yos va a permitir desenvolver muncho meyor el so trabayu".
"Encaro'l trabayu con muncha ilusión, amás, de la mano d'ellos, tanto de los sectores del mundu de la cultura, como de los sectores del ámbitu de l'actividá física y del deporte, de la mano d'ellos, yo creo que tenemos per delantre cuatro años bien intensos y bien emocionantes", dixo.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
