Los escedentes de Naval Xixón acampaos n'Uviéu posponen les movilizaciones

Europa Press Asturias
Actualizado: jueves, 19 mayo 2011 21:28

UVIÉU, 19 de Mayu (EUROPA PRESS)

Los trabayadores escedentes de Naval Xixón, que permanecen acampaos na Plaza d'España d'Uviéu dende'l pasáu 4 de mayu, como midida de presión ante la falta de soluciones per parte de les alministraciones competentes na materia, decidieron retrasar les movilizaciones hasta la formación del nuevu gobiernu.

El llevantamientu del campamentu va tener llugar esti vienres 20 de mayu a partir de les 13.00 hores, según informó la Federación d'Industria de CCOO.

Precisamente esti xueves escedentes de Naval Xixón protagonizaron una manifestación en Xixón y algunos baxaron los pantalones a la entrada del Conceyu, baxo una gran pancarta na que podía lleese: 'Ayuntamientu, asina mos queréis dexar'.

Contenido patrocinado