MADRID/UVIÉU, 7 d'Ochobre (EUROPA PRESS)
La dirección nacional del PP nun prevé un congresu estraordinariu n'Asturies pa elixir el candidatu a les elecciones autonómiques y celebrará'l cónclave ordinariu a últimos del 2011, que ye "cuando toca", informaron a Europa Press fontes 'populares'.
Esta mañana la presidenta de la Comunidá de Madrid, Esperanza Aguirre, plantegó la posibilidá de celebrar un congresu del PP n'Asturies pa elixir al cabezaleru, igual que se fizo en Baleares, y determinar asina si l'ex ministru Francisco Álvarez-Cascos pue optar a la Presidencia d'Asturies.
En 'Génova' nun se contempla la posibilidá d'adelantar el Congresu autonómicu pa celebralu antes de les elecciones autonómiques que tendrán llugar el 22 de mayu del 2002. Según les fontes consultaes, el congresu rexonal va facese "cuando toque", siguiendo los plazos que fixen los Estatutos del PP.
L'artículu 25 de los Estatutos establez que los congresos ordinarios "seya cuál fuere'l so ámbitu territorial de competencia, celebraránse cada trés años". L'últimu congresu n'Asturies tuvo llugar el 29 de payares del 2008 y, poro, correspondería facelo a últimos del 2011, una vez celebraes les elecciones autonómiques pero poco primero de les xenerales.
