Trabayadores de la construcción protesten frente al Parlamentu asturianu pa pidir obra pública

UVIÉU, 20 d'Avientu (EUROPA PRESS)

Más d'un centenar de trabayadores de la construcción protagonizaron esti martes una concentración frente a la Xunta Xeneral del Principáu d'Asturies. Ficiéronlo pa pidir más inversión n'obra pública y pa protestar pola situación del sector. En cortando la cai, tiraron potentes restallos, y glayaron "¡Queremos trabayar!".

El secretariu de MCA-UXT, Eduardo Donaire, y el secretariu xeneral de Fecoma-CCOO, Jeremías Do Santos. Ésti criticó a los políticos por utilizar el sector de la construcción "namás cuando hai campaña electoral, cortando cintes d'inauguración".

Agora, per otra parte, cree que tán dexando "abandonáu" al sector, permitiendo que les empreses piesllen y que los trabayadores vayan al desempléu. Pero tamién reclamó a les empreses que "cumplan los convenios y les "xornaes de trabayu". Según CCOO, mientres ta despidiéndose a trabayadores nel sector, a los que queden oblígase-yos a trabayar más hores o en festivos.

Pela so parte, Eduardo Donaire, dixo que'l so oxetivu ye treslladar a los grupos parlamentarios la necesidá de qu'Asturies cuente con un presupuestu "inversor". "Si nun hai obra pública, construcción y rehabilitación de viviendes, esti sector tiende a la desapaición", comentó.

Según los datos d'UXT hai nesti momentu n'Asturies 14.000 trabayadores de la construcción en paru. "Son miles de trabayadores que dependen de la obra pública y de la construcción de viviendes", apuntó.