BILBO 9 Feb. (EUROPA PRESS) -
Bilboko Udal Txistulari Bandak 'Inauteri soinuetan' izenburuko kontzertua eskainiko du Euskalduna Bilbao Jauregiko Atrioan asteartean, otsailaren 10ean, Beti Jai Alai dantza talde bilbotarraren parte hartzearekin, eta denboran zehar Euskal Herriko hainbat txokotan ospatu diren inauteri tradizionaletan oinarritutako ibilbide musikal oparoa diseinatu du.
Txistulari bandatik adierazi dutenez, herri bakoitzak modu berezian ospatzen ditu inauteriak, eta datorren asteko emanaldiak aniztasun horri omenaldia egin nahi dio, "txistuak dantza eta estanpa herrikoiei musika jarriko dien pieza sorta baten bidez". Beti Jai Alai dantza taldeak, berriz, bere estilo bereziarekin bizituko ditu koreografiak.
Emanaldia 19:00etan hasiko da, Euskalduna Bilbao Jauregiko Atrioan, eta sarrerak bertako leihatiletan, www.euskalduna.eus webgunean eta Kutxabank kutxazainetan eros daitezke.
Ikuskizun honen ostean, Bilboko Udal Txistulari Bandaren rogramazioak martxoaren 3an jarraituko du Campos Eliseos antzokian, lehen hezkuntzako 1. eta 2. zikloetako ikasleei zuzendutako 'Txistua Algaraz' kontzertu didaktikoarekin.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
