Donostia Zimenaldiko Kutxabank-New Directors sailak 13 lehen eta bigarren film izango ditu lehian

DONOSTIA, 28 (EUROPA PRESS)

Donostia Zinemaldiko Kutxabank-New Directors sailal 15 herrialdetako 13 lehe eta bigarren film izango ditu lehian, irailaren 17tik 25era ospatuko den 69. edizioan. Aukeratutako lan guztietatik bederatzi lehen lanak dira, eta gainerakoak bigarren filmak dira, Donostia Zinemaldiko zuzendari José Luis Rebordinosek eta Ainhoa Arruabarrena Kutxabankeko Gipuzkoako Sareko zuzendariak asteazken honetan prentsaurrekoan azaldu dutenez.

Saileko film guztiak izango dira Kutxabank-New Directors saria irabazteko hautagai. 50.000 euroko saria da, zuzendariaren eta filmak Espainian duen banatzailearen artean erdibanatzeko. Kutxabank Donostia Zinemaldiaren kolaboratzaile ofizialak babesten du saria. Epaimahaiak baloratu eta sarituko ditu filmak, eta Gazteriaren TCM saria lortzeko hautagai ere izango dira: sari hori 18 eta 25 urte bitarteko ikaslek osatutako epaimahaiak erabakitzen du.

Horrela, Philippe Grégoire da beren lehen lana New Directors sailean estreinatuko duten zinemagileetako bat. Film laburrekin ehun jaialditan baino gehiagotan parte hartu ondoren, 'Le bruit des moteurs/The Noise of Engines' lanarekin lehiatuko da kanadarra Donostia Zinemaldian.

Bestalde, Berlinale Talent eta First Films First programetan parte hartu ondoren, Selman Nacar zuzendari turkiarrak iaz WIP Europa Industria saria eta Donostiako WIP Europa saria irabazi zituen proiektuarekin hartuko du parte, 'Iki Safak Arasinda / Between Two Dawns' filmarekin, hain zuzen. WIP Europan Darko Sinko dokumental eta film laburren zuzendari eta ekoizle esloveniarra ere hautatu zuten, eta 'Inventura / Inventory' lehen lan luzea aurkeztuko du.

Halaber, Hong Sung-eun korearrak lehen aldiz parte hartuko du New Directors sailean 'Hon-ja Sa-neun Sa-ram-deul / Aloners' film luzearekin, eta Mara Pescio argentinarrak bere debuta aurkeztuko du zuzendari gisa: 'Ese fin de semana / That Weekend'.

Bestalde, Sundance zinema jaialdian izan ostean, Fran Kranz aktore estatubatuarrak zuzendari gisa egin duen lehen lana erakutsiko du New Directors-en: 'Mass'. Javier Marcok ere esperientzia luzea du film laburren esparruan, eta oraingoan, 'Josefina / Josephine' lanarekin parte hartuko du.

Agustín Banchero uruguaiarrak 'Las vacaciones de Hilda / Hilda 's Short Summer' aurkeztuko digu, Zinema Eraikitzen 36 lehiaketan hautatutako filma, eta Lena Lanskih zuzendari errusiarrak 'Nich'ya / Unwanted' bere lehen film luzearekin parte hartuko du Zinemaldian.

BIGARREN FILMAK

New Directors sailean bigarren film luzea aurkeztuko dutenen artean, Juan Sebastián Mesa kolonbiarrak 'La roya / The Rust' filmarekin parte hartuko du, eta Emanuel Parvu errumaniarrak 'Marocco / Mikado' aurkeztuko du.

Halaber, New Directors-en 'Tigre' (2017) filmarekin parte hartu ostean, Silvina Schnicer argentinarrak eta Buenos Airesen bizi den Ulises Porra katalanak osatutako bikotea 'Carajita' filmarekin itzuliko da sailera, eta Sun Liang zinemagile txinatarra 'Shu Qi Shi Guang / Lost in Summer' lanarekin lehiatuko da.

New Directors Donostia Zinemaldiak talentu berrien alde egindako apustuaren adibiderik argiena da, baina ez bakarra, zinemagileen lehen eta bigarren lanak Zinemaldiko ia sail guztietan programatu ohi baitira, eta Nest mundu osoko zinema eskoletako ikasleen film laburren lehiaketa gisako sailean ere erakutsi ohi baitira.

Gainera, Tabakalerarekin eta Elías Querejeta Zine Eskolarekin batera, ikus-entzunezko proiektu berritzaileak babesten dituen eta arte egonaldien plan bat barne hartzen duen Ikusmira Berriak programaren buru ere bada Zinemaldia.