DONOSTIA 2 Mar. (EUROPA PRESS) -
Donostiako Poesialdiak zortzigarren edizioa egingo du aurten, martxoaren 10etik 18ra bitarte, eta hainbat jarduera eskainiko ditu Ernest Lluch Kultur Etxean, San Telmo Museoan eta Liburutegi Nagusian, Donostia Kulturako ordezkariek jakinarazi dutenez.
Horrela, poesiaren inguruko ikuskizunak, errezitaldiak eta solasaldiak izango dira eta hainbat idazlek eta artista ezagunek parte hartuko dute, besteak beste, hala nola Marta Sanzek, Jokin Lasak, Kaki Arkarazok, Pello Ramirezek, Karlos Linazasorok, Jon Gerediagak eta Alejandra Martinez de Miguelek.
Gainera, 'Lauaxeta, ametsen egilea' erakusketa izango da ikusgai Ernest Lluch Kultur Etxean martxoaren 13tik apirilaren 13ra. Era berean, martxoaren 18an IX. Donostia Kultura Poesia Lehiaketako sari banaketa ekitaldia egingo da Liburutegi Nagusian.
Poesialdiko ekitaldi guztiak 19:00etan hasiko dira, Donostia Kultura Poesia Lehiaketaren sari banaketa (10:00etan) eta erakusketa izan ezik.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
