BILBO 1 (EUROPA PRESS)
Durangoko Azokaren 61. edizioa abenduaren 4tik 8ra bitartean egingo da eta astearte honetatik irailaren 30era bitarte zabalik egongo da erakusmahaia ipintzeko izen-ematea. Azokan parte hartu nahi duten erakusleek, izan argitaletxe, diskoetxe, ekoiztetxe, elkarte, erakunde, banatzaile zein autoekoizle, durangokoazoka.eus webguneko Intraneta atalean egin beharko dute eskaria.
Durangoko Azokako antolatzaileek jakinarazi dutenez, behin erregistratuta, partaideek webgunean bertan izango dute informazio osagarria eskuragarri, hau da, azokako araudia, izena emateko epeak, maiz egiten diren galderak eta tarifen inguruko informazio guztia.
Ohi bezala, aurrerago beste zenbait inskripzio zabalduko dira, besteak beste, egitarauaren barruan proposamenak egiteko eta Ikasle Goizean parte hartzeko. Horren inguruko informazio zehatza aurrerago emango dute.
Bitartean, 61. Durangoko Azokaren prestaketa lanak martxan dira dagoeneko. Gerediaga elkartea lanean hasi da abenduko hitzordua prestatzen, eta datozen hilabeteetan azokaren inguruko xehetasun eta nobedade gehiago ezagutaraziko ditu. Abenduaren 4tik 8ra, kulturaren jaialdiaz gozatzeko elkargune izango da beste behin Durangoko Azoka.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)