Eguraldia.- Goizaldeko ezegonkortasunaren ondoren, lasaitu egingo da igandean egunean zehar

BILBO 3 Oct. (EUROPA PRESS) -

Euskalmet euskal meteorologia agentziaren iragarpenaren arabera, igandean, urriaren 4an, goizaldean ezegonkortasunak jarraipena izango du, oraindik zaparrada mardulak eta trumoitsuak egin ditzake eta baliteke txingorra botatzea. Gainontzeko orduetan egoera askoz lasaiagoa izango da eta eguerditik aurrera ostarteak irekiko dira; hala ere, baliteke han-hemenka zaparrada bakanen bat egitea.

Tenperaturak berdin jarraituko du. Hiriburuetan, Baionan 16 gradu espero dira gutxienez eta 24 gehienez, Bilbon 18 gutxienez eta 24 gehienez, Donostian 16 gutxienez eta 22 gehienez, Gasteizen 13 gutxienez eta 23 gehienez eta Iruñean 14 gutxienez eta 24 gehienez.

Itsasbazterrean norabide aldakorreko haizea ibiliko da, ipar-osagaia nagusi, 2ko indarrarekin, eta goizean eki/ipar-ekialdetik finkatuko da, 3koarekin eta 4ko tarte batzuekin; itsaso kizkurra eragingo du, eta gero itsaskirria, itsaskiko guneekin. Ipar-mendebaldeko hondoko itsasoak metro bateko inguruko olatuak altxatuko ditu. Baliteke goizaldean trumoi-ekaitzak izatea. Itsasgorak 00:41ean eta 11:31n izango dira, eta itsasbehereak 04:57an eta 17:58an. Uraren tenperatura 21 gradukoa da eta ikuspena lau eta hamar kilometro artekoa izango da.