Eguraldia.- Hodei gehiago eta ezegonkortasun handiagoa astelehenean

BILBO 26 Abr. (EUROPA PRESS) -

Euskalmet euskal meteorologia agentziaren iragarpenaren arabera, astelehenean, apirilaren 27an, hodei gehiago eta ezegonkortasun handiagoa. Goizean hodeiak eta ostarteak izango dira barnealdean eta behe-hodeien tarte hodeitsuak kostaldean. Arratsaldean hodeiak ugaritu egingo dira eta zaparrada trumoitsuak egin ditzake, bereziki Araba eta Nafarroa hegoaldean; zenbait lekutan, gainera, zaparradak handiak izan daitezke.

Haize ahula eta aldakorra ibiliko da; egunaren erdiko orduetan iparraldetik finkatu eta indartu egingo da. Tenperaturan aldaketarik ez edo gutxi jaitsiko dira maximoak. Hiriburuetan, Baionan 13 gradu espero dira gutxienez eta 22 gehienez, Bilbon 13 gutxienez eta 21 gehienez, Donostian 12 gutxienez eta 20 gehienez, Gasteizen 8 gutxienez eta 21 gehienez eta Iruñean 10 gutxienez eta 25 gehienez.

Itsasbazterrean norabide aldakorreko haizea ibiliko da, 2ko indarrarekin, eta arratsaldean iparraldera egingo du, 3koarekin; itsaso kizkurra eragingo du, eta arratsaldean itsaskirria. Ipar-mendebaldeko hondoko itsasoak metro erditik beherako olatuak altxatuko ditu. Itsasgorak 02:40an eta 15:14an izango dira, eta itsasbehereak 08:51ean eta 21:04an. Uraren tenperatura 15 gradukoa da eta ikuspena lau eta hamar kilometro artekoa izango da.