Eguraldia.- Okerrera egingo du nabarmen larunbatean

BILBO 10 Abr. (EUROPA PRESS) -

Euskalmet euskal meteorologia agentziaren iragarpenaren arabera, larunbatean, apirilaren 10ean, fronte hotz batek lurraldea zeharkatuko du eta eguraldiak okerrera egingo du nabarmen. Goizaldean eta goizean goiz erdi mailako hodeiak eta goi-hodeiak nagusituko dira, baina goizean segituan lainotuko du. Goizean euri pixka bat egin dezake, baina euri gehiago espero da egunaren bigarren partean; fronteak Euskal Herri osoa zeharkatuko du, eta euria eta zaparradak egingo ditu, zaparradak sarriago botako ditu eta ugariagoak izango dira Kantauri isurialdean.

Mendebaldeko haize bizia ibiliko da, bolada gogorrekin; arratsaldean haizea ipar-mendebaldetik finkatuko da. Tenperatura pixkanaka jaitsiko da; jaitsiera nabarmenagoa izango da arratsaldean eta elur-kota gauean 1.000-1.200 metro inguruan egon daiteke. Hiriburuetan, Baionan 10 gradu espero dira gutxienez eta 18 gehienez, Bilbon 11 gutxienez eta 17 gehienez, Donostian 10 gutxienez eta 17 gehienez, Gasteizen 7 gutxienez eta 15 gehienez eta Iruñean 8 gutxienez eta 18 gehienez.

Itsasbazterrean mendebal/ipar-mendebaldeko haizea ibiliko da 4-5eko indarrarekin eta itsaskia edo itsaski handia eragingo du, eta arratsalde-gauean baretu eta ipar-mendebaldetik joko du, 3-4koarekin, itsaskirria edo itsaskia eraginez. Ipar-mendebaldeko hondoko itsasoak 2 metroko olatuak altxatuko ditu, eta gero pixkanaka handitu eta azken orduetan 3 metro ingurukoak izango dira. Itsasgorak 01:28an eta 13:02an izango dira, eta itsasbehereak 06:23an eta 19:00etan. Uraren tenperatura 14 gradukoa da eta ikuspena lau eta hamar kilometro artekoa izango da.