Eguraldia.- Zerua oskarbi eta bero handia ostiralean

BILBO 21 May. (EUROPA PRESS) -

Euskalmet euskal meteorologia agentziaren iragarpenaren arabera, ostiralean, maiatzaren 22an, zerua oskarbi egongo da eta bero handia egingo du. Egunsentian lanbro apur bat ager daiteke eta tenperatura minimoak altuagoak izango dira. Arratsaldean bero-hodei batzuk ager daitezke barnealdean, baina ez dute ondoriorik izango.

Ekialdeko eta hego-ekialdeko haizea ibiliko da, indar handirik gabe; gauean litekeena da haizeak mendebaldera egitea kostaldean, bolada gogorren batekin. Tenperatura maximoak 30-35 gradu artean ibiliko dira eta beroa izango da protagonista. Hiriburuetan, Baionan 17 gradu espero dira gutxienez eta 33 gehienez, Bilbon 19 gutxienez eta 35 gehienez, Donostian 17 gutxienez eta 32 gehienez, Gasteizen 13 gutxienez eta 32 gehienez eta Iruñean 15 gutxienez eta 35 gehienez.

Itsasbazterrean hego-osagaiko haizea ibiliko da 2ko indarrarekin, eguerdi inguruan eki-osagaira aldatuko da eta arratsaldean ipar-ekialdekoa nagusituko da, 3koarekin; itsaso kizkurra eragingo du, eta arratsaldean itsaskirria. Ipar-mendebaldeko hondoko itsasoak 0,5-1 metro arteko olatuak altxatuko ditu. Itsasgorak 10:04an eta 22:27an izango dira, eta itsasbehereak 03:40an eta 15:57an. Uraren tenperatura 16 gradukoa da eta ikuspena hamar kilometrotik gorakoa izango da.