Elurteak ETBko albistegien azken hiru urteko audientziarik onena eragin zuen

BILBO, 1 Mar. (EUROPA PRESS) -

Euskal Herri osoan pasa den azteazkenean izan zen elurteak eta honen ondorioei buruzko informazioak ETBko albistegietan euskal ikus-entzuleen ikusmina piztu zuen. ETBko albistegiak jarraitu zituzten ikus-entzuleek elurtearen berri izateko.

Telebista autonomikoak ohare batean baieztatu duenez, 'Teleberri' albistegiaren eguerdiko edizioak %26,7ko audientzia zatia eskuratu zuen, azken hiru urteetako onena. Africa Baetak aurkeztutako albistegiak 245.000 ikus-entzuleko audientzia izan zuen batez beste, eta 344.000 ikus-entzuleko audientzia metatua EAEn eta eragin esparruan. Gaueko 'Teleberri'-k, halaber, %23ko sharea lortu zuen, urteko bigarren ikusiena. Bataz beste, berriz, 235.000 ikus-entzule izan zituen eta 366.000 ikus-entzuleko audientzia metatua.

Xabier Lapitzek gidatutako 'En Jake' saioak, orobat, marka hautsi zuen %10,8ko audientzia zatiarekin. 204.000 lagunek jarraitu zuten pasa den azteazkenean uneren batean saioa.

ETB 1entzako audientzia historikoa

Berebat, Estepan Aldamiz-Etxebarriak gidatzen duen 'Egun On Euskadi' goizeko albistegiak ETB1en inoizko emaitzarik onena lortu zuen: %7,5eko audientzi orokorra izan zuen eta euskaldunen artean %15,5ekoa. Horrez gain, 77.000 lagunek egin zuten bat uneren batean albistegiarekin. Elurtearen berri jarraitua emateaz gainera, Bingen Zupiria Kultura sailburuari egindako elkarrizketa ere tartekatu zuen. 'Gaur Egun 1'-ek, bestalde, %6,8ko audientzia izan zuen, euskaldunen artean %18,1 eta 99.000 ikus-entzuleko audientzia metatua.