Eroskik 14 milioi euro inbertitu ditu 2023an 65 frankizia berri zabaltzeko

BILBO 21 Feb. (EUROPA PRESS) -

Eroskik 65 frankizia berri inauguratu eta haietan 360 lanpostu sortu ditu 2023an, 14 milioi euroko inbertsioa eginda. Gainera, frankizia erako supermerkatuen sarearen salmentak %10,6 igo dira aurreko urtearen aldean.

Katalunian (27), Andaluzian (10), Balear Uharteetan (5), Euskal Autonomia Erkidegoan (4), Gaztela eta Leonen (4), Gaztela-Mantxan (4), Aragoin (3), Extremaduran (2), Galizian (2), Valentzian (2) eta Madrilen (2) ireki dira saltoki gehien. Horrela, aurreko urteetako frankizien irekiera erritmoari eutsi dio.

Hain zuzen, azken bost urteetan 307 inaugurazio egin ditu, eta 2023. urtea 628 supermerkatu frankiziaturekin bukatu du. Hala, frankizien sarea hedatzen jarraitu du, arreta Katalunian, EAEn, Andaluzian, Madrilen, Gaztela-Mantxan, Extremaduran eta Levanten jarrita. Eroskiren asmoa da 2024an beste 57 frankizia inauguratzea.

Eroskiko Frankizien zuzendari Alberto Cañasek adierazi duenez, "pozik gaude frankizia sareak izan duen eboluzioarekin. Helbururik garrantzitsuenak bete ditugu bai salmenten hazkundearen aldetik, bai errentagarritasun aldetik eta bai denda berrien irekiera kopuruaren aldetik. Gauzak horrela, baikorrak gara aurtengo urteari begira, eta jarraitu behar dugu apustu egiten frankiziei lagun egitearen alde".