EUSKADI.-Christian Salmon idazle eta analistak "Kate Moss Machine" liburua aurkeztuko du ostegunean Bilboko Bidebarrietan

BILBO 20 Abr. (EUROPA PRESS) -

Christian Salmon idazlearen eta 'Le Monde' egunkariko analista politikoaren "Kate Moss Machine" izenburuko liburuaren aurkezpena izango da ostegunean Bilboko Bidebarrieta liburutegian. Salmonekin batera, Mercedes Abad idazle eta kazetari katalana egongo da ekitaldian. Saioak aldi bereko itzulpen zerbitzua izango du, Bilboko Udaleko iturriek gaur jakinarazi dutenez.

"Kate Moss Machine" lanak, izenburuak adierazten duen bezala, modelo ingeles ospetsuak kapitalismo garaikidean betetzen duen irudiaren azterketa erakusten du: errebeldiatik transgresioaren normalizaziora. Klase ertain britainiarreko behe auzoko alaba izatetik 'grunge' modelo alternatibo eta erradikal izatera, bere irudia onartutako eta normalizatutako infrakzioaren irudi gisa finkatzera igaro da.

Christian Salmon (Marseilla, 1951) idazlea, 'Le Monde' egunkari frantseseko analista politikoa, Hizkuntzari buruzko Azterketa Zentroko ikerlaria eta literatur kritikari da 'Liberation' eta 'Le Nouvel Observateur' egunkarietan. Horrez gain, Idazleen Nazioarteko Parlamentuaren sortzaile eta animatzaile izan zen 1993tik 2003ra.

Bere lanen artean, 2007an argitaratu zuen "Storytelling: La máquina de fabricar historias y formatear las mentes" lana azpimarra daiteke. Lan horrek salmenta arrakasta handia lortu du, eta, horrez gain, eragin handia izan du gizartean eta kulturan.