GI-2130-A errepidea, Tolosa parean, itxi egingo da bi noranzkoetan abuztuaren 21, 22 eta 23ko gauetan

Europa Press País Vasco
Publicado: viernes, 18 agosto 2023 10:55
Seguir en

DONOSTIA 18 Ago. (EUROPA PRESS) -

Gipuzkoako Foru Aldundiak GI-2130-A errepidean (Apatta industrialderako sarbidea), Tolosa parean dagoen Zumain Tunel barruko eta kanpoko argien ordezkapen lanak egingo ditu. Horretarako, GI-2130 errepidea itxi egingo da bi noranzkoetan abuztuaren 21, 22 eta 23ko gauetan, 22:00etatik 06:00etara.

Gipuzkoako Foru Aldundiak jakinarazi duenez, Leaburura eta Gaztelura iristeko bide alternatiboa GI-3212 errepidea izango da, GI-2130 errepidetik, Ibarratik eta Belauntzatik.

Obrak eta dagozkien desbideraketak behar bezala seinaleztatuta egongo dira. Behar izanez gero, larrialdietako zerbitzuei bidea irekiko zaie, horretarako lanak gelditu beharko balira ere.

Lanak abuztuaren 21etik 22ra doan gauean hasiko dira eta abuztuaren 23tik 24ra doan gauean bukatuko dira, hiru laneguneko iraupena izango dutelarik. Errepideak ez du afekziorik izango asteburuan.

Contenido patrocinado