Jaurlaritzak 850.000 euro bideratuko ditu arte eszeniko, musika, literatura eta arte plastikoak sustatzera

GASTEIZ, 10 (EUROPA PRESS)

Eusko Jaurlaritzako gobernu kontseiluak arte eszenikoak, musika, literatura eta arte plastikoak sustatzeko eta zabaltzeko diru laguntzak onartu ditu astearte honetan, Kultura eta Hizkuntza Politika Sailak eskatuta, eta 850.000 euro banatuko ditu.

Hain zuzen, kulturgintzako ekoizle, banatzaile eta komertzialak) merkatu berriak irekitzeko eta horretarako behar diren sustapen tresnak birdimentsionatzeko laguntzak izango dira, eta iaz baino 250.000 euro gehiago banatuko dira, Jaurlaritzatik jakinarazi dutenez.

Lau laguntza modalitate daude. Arte eszenikoetako konpainia profesionalek (antzerkia, dantza, zirkua) egiten dituzten ikuskizunak sustatzeko, merkaturatzeko, nazioartekotzeko eta banatzeko 500.000 euro banatuko dira, iuaz baino %51,5 gehiago.

Musika taldeen sustapen, merkaturatze, nazioartekotze eta banaketa proiektuetara 238.000 euro bideratuko dira, 2024an baino %42 gehiago, eta literatur argitaletxeak diren pertsonek edo entitateek EAEtik kanpo egingo diren liburu eta literaturaren arloko azoka eta ekitaldi profesionaletan parte hartzen laguntzera 40.000 euro, iaz baino %33 gehiago.

Azkenik, arte galeriek Euskaditik kanpo egingo diren nazioarteko arte azoketan parte hartzea sustatzeko 72.000 euro banatuko ditu Jaurlaritzak, iazko kopuru bera.